Şaredarîya Çinarî seba ke mesafeyê mabênê dewanê Kubîkê, Qerajbelek û Kufrî yê ke herêma Karacadagî de ca gêno bikero kemî dest bi xebatê rayîrî kerdîbî, xebatê rayîrî bîyî temam. Bi xebate 18 km mesafeyê mabênê dewan bi 3 km. Hemşaredarê Şaredarîya Çinarî Necla Tamrîşe û Bedrî Kaya û endamê meclîsê şaredarîye xebate ca de etud kerdî. Hemşaredarê Çinarî Bedrî Kayayî ard ziwan ke xizmeto ke Şaredarîya Çinarî tewr zêde ser o vindena xebatê rayîran ê.

Keyayê Kufrî Mehmetcan Tarimî ard ziwan ke ê seba xebata rayîrî zaf keyfweş ê û vat, “Ma dewijê Kufrî xebatanê rayîrî yê Şaredarîya Çinarî ra zaf keyfweş ê. Seba ke rayîr çin bi ma bi saetan rayra şîyêne û zor restêne dewe. Bi akerdişê rayîrî mesafe zaf bi kilm. Rayîro ke verê cû saetêk antêne nika zaf bi kilm. Rayîro 18 km, bi 3 km. Ez seba xebatanê ci şaredarîya ma rê serkewtiş wazena.”