Walîtîya Êlihî, mabênê tarîxê 15-29 Temmuze de, teberê aktîvîteyê kombîyayîş, merasîm, şayî, pêşwazî, akerdişê standî û oxirkerdişî yê ke do hetê sazîyanê fermî yê umûmîyan ra bêrê kerdene, pêro aktîvîteyî girêdayeyê destûrî yê.

Walîtîye eşkarayîye de vat, “Seba viraştişê asayîşê milîyî, sîstemê umûmîyî û pawitişê asayîşî, vernîgirewtişê sûcan, pawitişê heq û azadîyanê bingeyênan û vernîgirewtişê qewimîyayîşanê şidetî” no qerar ameyo girewtene.

Walîtîye eşkera kerd ke heman tarîxî de heme wareyanê dormeyê sazîyanê ceza û înfazî û zîndanan de kerdişê “kombîyayîşê cayê akerde û girewteyî, numayîş, eşkerayîya çapemenîye, ronayîşê xeyme, akerdişê standî, îlanê destan ûsn.” çalakî û aktîvîteyî ameyê qedexekerdene.