Gerîla Medya Hawar bi xîretî rayraşîyayîşêkê dergî ra dima vana: ''Seba ke ma bernameyêkê gerîlayan bigêrê û mesajanê înan biresnê şarî nika rayîrêkê dergî de yê. Vewre zî zaf varaya û hema zî varana. Her ke ma ver bi leweyê koyan şinê vewre zêdîyena.''

 Wexto ke Medya Hawar qisey kena gerîla û kamerawane Newale Jiyan tira wina persena: ''Gelo ti binê vewre de seba bernameyêkî hende zehmetî ancena?'' Gerîla Medya wina vana: ''Wexto ke merdim mesajanê gerîlayan vîneno ferq nêkeno ke kamyew rayîrî ra ameyo. No mesaj seba şarî do bibo cewab. ''

Medya dewamê qiseykerdişê xo de bale ance ê kesanê ke keyeyanê xo de ronişenê ser û wina vana: ''Beno ke tay kesî pê nê dîmenanaê ma bihuyê la ma seba azadîye têkoşîn kenê. Ma kede danê. Merdimî senî eşkenê keyeyê do de rehet ronişê. Ma tim vanê 'Çira pîr û kalanê ma têkoşîn nêkerdo.' La eke ez zî têkoşîn nêkera tornê ma do seba ma heman çî vajê. Wexto ke merdim dinyaya xo ra vejîyeno û tayêk bo zî ewnîyeno dormeyê xo ra qetî qebul nêkeno ke cinîyêke yan zî hevalêk kişta ci de bikişîyê. Tek rayîrê têkoşînî no rayîr o û rayîrêko bîn çin o. Tek rayîrê çareserîye û têkoşînî rayîrê gerîlayan o.''