Şubeyê ÎHDyî yê Amedî derheqê çalakîyanê 6-8ê Teşrîna Verêne de eşkerayîyêka nuştekîye daye.

ÎHDyî vist vîrî ke nê çalakîyan de 35 sivîlî, 2 multecîyî, 2 polîsî, 2 mîlîtanê rêxistina çekdare bi temamî 42 kesî merdî û 56ê ci domanî 1128 kesî ameyî destbendkerdene, 24ê ci domanî 221 kesî ameyî tepiştene û 3 şaristan û 25 qezayan de qedexeyê vejîyayîşê teberî ame îlankerdene.

ÎHDyî îfade kerd ke derheqê serebûtan de tehqîqat û cigêrayîşê hîrayî nêameyî kerdene û vist vîrî ke netîceya operasyonanê vera HDPyî de nê serebûtan ser o Selahattîn Demîrtaş û Fîgene Yuksekdag zî tede 20 sîyasetmedarê HDPyî ameyî destbendkerdene û 17ê ci ameyî tepiştene.

ÎHDyî waşt ke hînî raştîye bêra eşkerakerdene û cigêrayîşê raştikênî bêrê kerdene.