Merkezê Îrtîbatî û Çapemenîye yê HPGyî bi eşkerayîyêke derheqê hêrişanê îşxalî û çalakîyanê gerîlayan de tay agahîyî dayî. Eşkerayîye wina ya:

''Çarçewa Hemleya Şorişgêre ya Bazanê Zagrosî de, herêma Zapî de;

25ê çeleyî de herêma Çemçoyî ya bajarekê Şêladizê ya Amedîyê de îşxalkerî pê çekanê giranan ameyî derbkerdene.

25ê çeleyî de herêma Çemçoyî de îşxalkerî pê taktîkê suîkastî ameyî pirodayene û 1 îşxalker ame cezakerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

25ê çeleyî de Warê Xoverdayîşî yê Girê FMyî de 2 baskan ra, pê çekanê giranan îşxalkerî ameyî derbkerdene.

Hêrişê kîmyewî yê artêşa îşxalkere;

Artêşa tirke ya îşxalkere mewzîyê xoverdayîşî yê Çemçoyî 1 reye pê bombaya qedexekerde û 14 reyan zî pê çekanê kîmyewîyan dayî bombayan ver.

Hêrişê bînî yê artêşa îşxalkere;

23-24-25ê çeleyî de artêşa îşxalkere kerd ke mewzîyanê xoverdayîşî yê Sîda pê kepçeyan birijnê.

24-25ê çeleyî de mewzîyê xoverdayîşî yê Sîda û Çemçoyî, Warê Xoverdayîşî yê Girê Cûdîyî, Kurojahro, Girê FM û Girê Amedîyê dîyayî bombayan ver.''

https://anfkirmancki.com/kurdistan/2-leskere-tirki-ye-isxalkeri-ameyi-cezakerdene-32037