Newroza Amedî ya bi şîarê 'Wext wextê serkewtişî yo' ewro ya. Şar hêdî hêdî verê xo dano warê Parka Newroze ya Rezanî. Şayîya Amedî do serkêşîya Kongreya Komelê Demokratîkî (KCD), Têgêrayîşê Cinîyan ê Azadan (TJA), Partîya Herêmanê Demokrtaîkan (DBP), HDPyî de bêra kerdene. 

Qeza u şaristananê dormeyî ra xeylêk merdimî ver bi Newroza Amedî kewtî rayîr. Cinî, doman û ciwanî pê kincanê xo yê herêmîyan û dahol û zirnayan hêdî hêdî warê Newroze kenê de. Wesayîtî zî pê korna û deyîran tewrê herikîyayîşî  benê. Wendekarî zî seba Newroze dibistanan boykot kenê û tewrê Newroze benê. 

Warê Newroze de girseyo verên pê slogananê 'Biciwîyo Serek Apo' û 'Cinîye, Cuye, Azadîye' govende gêno. 

 Mudirîya Asayîşî ya dewlete 5 noqtayan de cigêrayîş kena. Polîsan nêverda ke Serekê Partîya Azadîye ayetullah Aşitî û Hemserekê Komeleya rojnamegeran a Dîcle-Firatî zî Serdar Altan zî tede merdimî ppê kincanê herêmîyan debikewê warî.  

Polîsan xîret kerd ke war de ciwananê ke sloganan vanê destbend bikerê. Ciwanan naye ser o sloganê 'Biciwîyo Serek Apo' rê dewam kerd. Polîsan xîret kerd ke pê muzîkê sehne sloganî kêm bikerê. Naye ser o mabênê Komîteya Amadekarîye û polîsan de nîqaşî qewimîyayî. 

Hunermendî Devrîm Demîr û Ozcan Ateş pêşkêşwanîya Newroze bikerê. Hemserekê KCDyî Berdan Ozturk, Hemsereka DBPyî Salîha Aydenîz, Hemsereka HDPyî Pervîne Buldan û Serekê Partîya Azadîye  Ayetullah Aşitî Newroza Amedî de do qisey bikerê.