Şarê Şingalî fermandarê YBŞyî  Azad Êzdîn û endamê YBŞyî Enwer Tolhildan yê ke vizêr hêrişê dewleta tirke de şehîd bîyî, defin kerdî.

Şarê Şingalî saetanê serê sibayî ra semedê şehîdanê xo ame têhet.  Bado ke wecîbeyê dînî ameyî cardene cenazayê şehîdan ameyî berdene şehîdgehî.  Îdarekarê Meclîsê Xoserî yê Şingalî, temsîlkarê tezgehanê Şingalî û şarê Şingalî pîya bi şerwananê YBŞ û YJŞyî semedê tewrbîyayîşê merasîmî şehîdgeh de ameyî têhet. Cenazayî bi slogananê ''Şehîdî nêmirenî'' ameyî definkerdene.