Hemwelatîyê Hewlêrî xizmet û hetkarîya şaredarîye ra razî nîyê.

Hemwelatîyê bi nameyê Îbrahîm Serkewt Enwerî pare kerd ke şaredarîye sozê xizmetkerdişî da la sozê xo nêard ca.Enwerî vat: ''Şaristan de qasê 2-3 hezar banî estê la rayîr çin o. Ceyran tim birîyeno. Hukmat verî çi vato nika eqsê ci keno. Domanî awa gemarine ra benê nêweş. Seke tîya Hewlêr nê dewêk a. Şaredarîye seba viraştişê rayîran ma ra 1 mîlyon dînar girewt la xizmet nêda ma.''

Cinîya bi nameyê Ruxsare Xidir îfade kerd ke taxa înan de awe û ceyran çin o û vat: ''Rayîrê ma xirab ê la nênê viraştene. Seba xizmetî ma ra pere gênê la herinda ci de xizmetêk nêdanê ma. Tewr nêbo wa ceyranê ma hînî nêro birnayene.''

Nerîmane Mihemed Îsmaîl vat: ''Seba ma çîyêk nêno kerdene. Hamnanan rayîrî toz benê, gemarin benê. Serra 2017î ra nata ez tîya de ya, ma ra hende pere ame girewtene la pê çîyêk nêame kerdene.''