Behdînanijanê ke paştdayîşê hukmatê herême yê dewleta tirke rexnê kerd, ard ziwan ke gerek gerîlayî têna merê verdayene û pîya bi înan şar herra xo bipawo.

Dewa Behdînanî Hirurê ra Eyat Hirurêyî vist vîrî ke herême binê bombardumanî de ya û tewr peynî de zî 26ê temmuze de di sivîlî hetê dewlata tirke ra ameyî qetlkerdene û vat: ''PKK cayê sivîlan de ca nêdano xo la rixmê naye dewleta tirke naye kena bahene û hêriş kena. Hetê bînî ra xora PKK partîyêka kurdan a ke heqê ci esto ke herême de bimano. Hînî vera nê hêrişan çew/e nêeşkeno bêveng bimano. Heme eşîr û şarê herême vera na rewşe yê. Gerîlayî Heftanîn de na herre pawenê û ma zî do ewro ra tepîya rol û mîsyonê xo bîyarê ca. Dewleta tirke bi nê hêrişan wazena herême bikero veng û îşxal bikero. Ma rixmê heme hêrişan sey pirik û pîrkalanê xo de xover bidê û herra xo cameverdê. Şarê kurdî do bi têkoşînî ser bikewo. Hukmatê Başûrî bêveng o. Na bêvengê têkoşînê kurdan rê xizmet nêkena. Gerek peşmergeyî kişta gerîlayan de tewrê têkoşînî bibê.''

Dewa Asê ra Hisên Osmano ke pêşmergeyo verêno bale antê ruhê pêmergeyanê verênan ser û vat:  ''Verî tîtikê nê koyan de vera îşxalkeran şerî ameyî kerdene.  Nika her kes vera kurdan bîyo yew û wazenê kurdan qetl bikerê. Her roje dewanê kurdan ser o bombayî yenê varnayene. Ma bawer kenê ke do xeyrê têkoşînê Heftanînî têkoşînê kurdan ser bikewo. Ma sey şarê herême do herra xo cameverdê. Ma şirê ça? Ma tîya çimê xo dîyna rê akerdî, tîya ciwîyenê û mirênê. Ez tîya ra veng dana heme kurdanê azadan wa wayîrê na herre vejîyê û plananê dişmenî puç vejê.''