Şarê Licê rîyê bombardûmanê dewlete ra tehlûke de yo
Qezaya Licê ya Amedî de netîceya bombardûmanê teyareyanê şerî yê artêşa Tirkî de şewat vejîya. Hemwelatijan vera hêrişanê dewlete reaksîyon da û ard ziwan ke canê înan binê tehlukeyî de yo.
Ame zanayene ke Qilê Kortî yê dewa Dewaxeyî ya deweka Xosarî ya qezaya Licê ya Amedî hetê teyareyanê şerî û helîkopteran ra ame bombardûmankerdene. Rîyê bombardûmano ke setêk dewam kerdî ra şewat vejîya. Hemwelatijanê herême vera hêrişan reaksîyon da û vat asayîşê canê înan çîn o. Hetê bînî ra operasyono eskerî yeno domnayene.
