Dezgehê Keyeyanê Şehîdan ê Kampa Multecîyan a Şehîd Rûstem Cûdîyî (Mexmûr) de Fermandara YJA-Starî Vîyane Caf serrgêra şehadetê xo de bi aktîvîteyêke ameye yadkerdene.

Aktîvîte bi deqayêkê rêzgirewtişî dest pêkerde. Nameyê şarî ser o Endama Koordînasyonê Meclîsê Îştarî Xanture Kara qisey kerd. Kara îfade kerd ke şarê Mexmûrî tim wayîrê şehîdan vejîya û do vejîyo. Kara vat: ''Şehîde Vîyane pê çalakîya xo ya fedayîye cewabêko pîl da dişmenî û mojna ke şarê kurdî seba Rayberîye eşkeno ganê xo bido. Ma Komployê 15ê Sibate şermezar kenê û şehîde Vîyane bi rêzdarî yad kenê. Ma do tim rêçê şehîdan de şorê.'' Aktîvîte pê slogananê 'Şehîdî nêmirenî', 'Bê serek cuye nêbena' qedîyaye.

Fermandara YJA-Starî Vîyane Soran 2ê sibata 2006î de Heftanîn de vera Komployê 15ê Sibate çalakîya fedayîye kerde û şehîd bîye.