Bînşewe medyaya sosyale de  seba ke Çewlîg de tabeleya zazakî bêro daliqnayene kampanyaya bi nameyê #BîngoleZazakîTabela ameye destpêkerdene.Kampanyaya ke zaf eleqedarîye ante xo ser Şaradarîya Çewlîgî ya AKP’yî nêvînayîşî ra ameye.

Hashtago ke  bi nameyê .#BingöleZazakiTabela ame akerde xeylî kesî tewrê ci bîyî û bale ante muhîmîya Ziwanê Dayîkî ser. Nuşteyan de ame vatene ke Çewlîgo ke cayanê merkezî yê Zazakî-Kirmanckî ra yo de ganî tabeleya dewkewtişê bajarî heme tabaeyê bînanan wa  de ziwanê ko şar qisey keno o ziwanê bêro şuxulnayene. Reyna semebê averşîyayîşî  Zazakî-Kirmanckî ame waştene ke gamêkê komelkî û kulturî bêrê eştene. Semedê baleantişê kampanya Şaredarîya Çewlîgî ya AKP’yî zî hesab de ameye etîketkerdene. La Şaredarîya Çewlîgî naye nêvînayîşî ra ameye.

Heme bajaranê Kurdistanî  yê  ke şaredarîyê DBP’yî de bî  û nika zî  destê HDP’yî de yê tabelayî bi ziwanê Kurdkî yenê nuştene. Xeylî cayan de qeyûman nê wedartî la bi fetinayîşê qeyûman nê tebelayî reyna ameyî daliqnayene.