Fermandaranê Qerargehê Merkezî yê YJA-Starî ra Şerda Mazlûm Gabar ANFyî rê qisey kerd û tay ercnayîşî kerdî. Qiseykerdişê Gabare ra beşêk wina yo:

''Vera Rayberê ma tecrîd yeno caardene, Vakur de vera gerîlayan bêmabên operasyonî yenê kerdene, vera Herêmanê Pawitişî yê Medya hêrişê bi çeka kîmyewîye yenê kerdene, şarê Şingalî yeno qirkerdene, hêrişê Rojawanî dewam kenê. Nê pêro mojnenê ke dewleta tirke qirkerdişê kurdan de israr kena. Kurdî ça de benê wa bibê benê maruzê hêrişanê faşîstan. Kurdî Şingal û Rojawan de xeta neteweya modernîteya demokratîke şer kenê. Emperyalîstî wazenê nê kurdan teslîm bigêrê û sîstemî rê entegre bikerê.

Tirkîya û endamê bînî yê NATOyî bi armancê tasfîye vera Têgêrayîşê Azadîye hêrişê îdeolojîkî û leşkerî kenê. Sere de vera Rayberîya ma Komployo Mîyanneteweyî vera pêro Têgêrayîşê Azadîye aktîf o. Xora sîstemê Îmraliyî bi zo sîstemêkê şerê taybetî yo. Xozaya Kurdîstanî bi şerê taybetî yena qirkerdene. Hukmato faşîst ê AKP-MHPyî şerê taybetî de medya xebitneno û medyaya azade asteng keno.

Vera konseptê çinçinkerdişî yê dewleta tirke û hêzanê mîyanneteweyîyan cewabê bi hemlewarî do dîyarker bibo. Warê îdeolojîkî de, asta sîyasî û leşkerîye de ganî ma bi xurtî prosesêkê netîcegîrî û hemlewarî rê dewam bikerê. Têkoşînê PKKyî 40 serrî xo pey de verdayî û bi alternatîfê şaran. Ganî pratîk û tecrubeyanê Rayberîye ra netîce bêra girewtene. Semedê ma wezîfeyêk o ke pê nê metodê nêzdîyê her warê têkoşînî bibê.

Wezîfeyê ma yo bingeyî yo ke ma şerê şarî yê şorişgêrî pîl bikerê. Gerîlayî bi hîsgerîyêka xurte wayîrê wezîfeyanê xo vejîyenê û serkewtiş kenê ê şarî. No serkewtiş heqê tarîxê ma yê têkoşînî yo.''