Endamê Komîteya Merkezî ya PKKyî Cemal Şerîkî cewab da persanê ajansê ma.

Qiseykerdişê Şerikî ra beşêk wina yo:

''Rojhelato Mîyanên destpêk û merkezê pêro medenîyet û kulturan o. Şerê Dinya yo 3. senî ke tîya de dest pêkerd do tîya de biqedo. Nê şerî de hêzê  statukerî û hêzê sermayedarî yê globalî têvera şer kenê. La nê hêzî vera hêzanê modetnîteya demokratîke pîya şer kenê. Hêrişê vera PKK, Rayberîye û kurdan na raştîye mojnenê.

Şerê Kafkasya, Amerîkaya Latîne, Komploya Mîyanneteweyîye, Şerê Iraq-Îranî, Şerê Afganîstan, Mudaxeleyê Iraqî pêro, vurîyayîşê îqtîdarê Tirkîya yê 2002î qewimîyayîşê Şero Dinya yê 3. ê.Ewro ma alozîyanê Amerîkaya Latîne, Kafkasya, welatanê ereban de vînenê ke Şero Dinya yo 3. warêkê hîrayî ra bîyo vila. Safhaya yewîne ya Komploya Mîyanneteweyîye tepişîyayîşê Rayberîye bîye,safhaya diyîne zî îmhaya PKKyî bîye. Ewro şer reyna Kafkasya de yo. No zî yeno a manaya ke şer dewleta tirke ser o hêzê sermayederî wazenê Kurdîstan de serdestîya xo ronê.

Şerê Dinya yê 3.de hedefê dewleta tirke sey verî Mîsak-i Mîllî yanî pawitişê sînoranê dewleta Osmanijan o. Dewleta tirke pê paştdayîşê hêzanê sermayedaran na çarçewe de hêrişê Rojawan û Başûrî kena.

Dewrê Trumpî de hetê Amerîka ra zaf wezîfeyî dîyayî Tirkîya. Bi nê hawayî Tirkîya Kafkasya, Lîbya de hende bîye aktîf. Weçînayîşê serekê Amerîka do nê qewimîyayîşan zî bivurno. Têkilîya Rûsya û Tirkîya zî na çarçewe de do bivurîyê.

Rayber Apoyî dewrê serranê 1960an de wextê kaosê modernîteya kapîtalîste de tewrê têkoşînê şorişgêrî bi. Rayber Apoyî ê çaxî ra nata vera modernîteya kapîtalîzme alternatîf aferneno.  Partîbîyayîşê kurdan, şerê şarî yo şorişgêr zî na taybetmendîya Rayberîye ra qewimîyayî.

Tecrubeyanê Rayberîye destpêkê Komploya Mîyanneteweyîye ra heta ewro kerd ke manîfestoyê medenîyetê demokratîkî aver şoro. Nê esasî ser o Rayberîye paradîgmaya ekolojîke, azadîya cinîyan û demokratîke afernaye. Na raştîya Rayber Apoyî îfade kena. Na raştîye ewro resaye pêro şaran û bîye globale. Hîşmendîya cuya modernîteya demokratîke şexsan de, komelanê rêxistinbîyayeyan de xo mojnena. Êyê ke xeta Rayberîye xo rê esas gênê ganî cuya modernîteya demokratîke bîyarê ca.''