Endamê Komîteya Merkezî ya PKK’yî Cemal Şerîkî derheqê serrgêra 38’ine ya xoverdayîşê rojeyê mergî yê pîlî de qisey kerd.

 Şerîkî bi wesîleya serrgêra ci xoverdayîşê rojeyê mergî bi vîr ard û vat:

 “Şexsê Kemal Pîr, M. Hayrî Dûrmûş, Akîf Yilmaz û Alî Çîçekî de ez heme şehîdanê ma yê şorişî bi hurmet û minet bi vîr ana. Heman wextî de seba na roje, embaz Dîyar Xerîbo ke 5’ê Temmuze 2019 de bi teyareyanê şerî yê dewleta Tirkî bi xayînîye û bi bêanorîye ame qetilkerdene, embazê ke ê dir şehîd b3iyê Şahîn Dîcle û Devranî bi hurmet bi vîr ana. Ganî merdim şertê nikayênî û şertê wextê rojeyê mergî yê pîlî yê 14’ê Temmuze yewbînan ra cîya nêfikirîyo.

 Sere de no zî esto: gama ke derbeya leşkerî ya faşîst a 12’ê Êlule ya 1980’î virazîya, hedefê ci de eceqnayîşê têgêrayîşê şorişgêr, demokratîk û sosyalîstî estbi. Sereyê nê de têgêrayîşê ma yê azadîye û demokrasîyî yê Kurdistanî estbi. Bi çinkerdişê PKK’yî ke Kurdistan de serkêşê mucadeleyê azadîye û demokrasîyî bi, waştêne ke bi derbeya 12’ê Êlule yê derbekaranê leşkerîyan biresê amacê xo.

 Xoverdayîşê 14’ê Temmuze Hemleya 15’ê Tebaxe Xo dir Ard

Şerîkî hemverê faşîzmê 12’ê Êlule de bale ante serê xoverdayîşê PKK’yî û vat: “Çîyo ke 14’ê Temmuze de zîndanan de bi rojeyê mergî vejîya werte tena xoverdayîşêko hemverê hêrişanê sere merdimîye de nêbi, heman wextî de bi manaya temsîlê têgêrayîşê azadîye û demokrasîyî ya Kurdistanî. Nê hetî ra ganî merdim sere Xoverdaayîşê 14’ê Temmuze de vindero. 

Îradeyê dişmenî şikîya û neçar mend ke xoverdayîşî dir pê bêro. No ameyêne na mana ke xeta xoverdayîşî ya PKK’yî, îradeyê aye sere dişmenî de ameyêne qebûlkerdene. Dima ra xoverdayîşê 14’ê Temmuze sey vengdayîşêk ame qebûlkerdene. Koyan de bi gerîla. 15’ê Tebax a 1984’î bi bicaameyîşo konkret ê nê vengdayîşî û wina tarîxî rê ravêrt.

Bi Planê Çokronayîşî Waşt ke PKK’yî Çinê Kerê, Şarê Kurdî Bimehênê

Şerîkî vat dişmen wazeno PKK’yî tasfîye û îmha bikero û wina dewam kerd: “Bi îmhakerdişê PKK’yî, bi tasfîyekerdişê wazenê ke biresê amacê xo. Na yewe ra hêrişêkê hende giranî kenê. Planê Çokronayîşî yo ke Nîsan a 2015’î ra nata ameya ronayene zî teberdayîşê nê yo konkret o. Bi Planê Çokronayîşî ame waştene ke PKK bêro çinkerdene, şarê Kurdistanî bêro eceqnayene. Na yewe ra zî prosesêkê qirkerdişî yo giran cimatî ser o ame ferzkerdene. No Planê Çokronayîşî bi tecrîdê mutleqî yê sere Rayber Apoyî ame rojdem.

Hetêk ra waştêne ke girêdayîşê mabênê PKK’yî û Rayberîya ci bêro birnayene, hetê bînî ra zî bi nê hawayî cimatî bêîrade bikerê, no hedef dabi vernîya xo. Dima ra zî Cizîre, Nisêbîn, Gever, Farqîn, Kerboran, Silopî, Gimgim û Bazîdo ke merdim eşkeno sey herêmê xoverdayîşî yê Kurdistanî name bikero, hêrişê giranî serê înan de berdî, qirkerdişê pîlî kerdî. Bi nê qirkerdişan waşt ke herêmanê xoverdayîşî bêveng bikerê.”

Çîyê ke Yenê Ciwîyayene Dewamê Planê Çokronayîşî yê

Şerîk dewam de vat, verê nikayî gama ke Planê Şerq Îslehetî da vernîya xo, Kurdistan de tayê herêm û cayê ke sey stratejîk bewlî kerdîbî estbî û vat, “Senî ke înan xo rê dabi vernîya xo ken ê herêman perçe perçe bikerê, heman çîyî înan gama Planê Çokronayîşî fîna dewre zî waşt bica bîyarê. La sere de cinî û ciwanî, xoverdayîşo ke ame ramotene û derbeyê ke ê wextî dîyayî hêzanê taybetan ê dişmenî ro, nêverda ke no amacê înan bica bêro. Herêmanê xoverdayîşî de qirkerdişê pîlî ameyî kerdene. Xoverdayîş prosesêkê xoantişî ciwîya la nêame eceqnayene, xoverdayîş nêame çinkerdene.

Rayberîye şertanê tecrîdê mutleqî de xover da. Xoverdayîş dereceya tewr berze de îfade kerd. Mucadeleyê gerîlayan dewam kerd. Dima ra îşxalê Efrînî bi îfadeyo konkret ê nê. Îşxalê Efrînî hemverê çîyî de ame kerdene? Kobanê de DAÎŞ amebi binfînayene. Vakur de xoverdayîşê şarî resabi dereceya berze û îradeyê 7’ê Hezîrane bi zelalî xo ramotibi. Na yewe ra zî bi bêtesîrkerdişê Vakurî, Rojawan de binfînîyayîşê DAÎŞ’î ame waştene ke bi îşxalî bêro temamkerdene, amadekarîyê nê kerdîbî. Amamdekarîyê îşxalî yê hemverê Rojawanê Kurdistanî hîna zaf yenê kerdene. Herêmanê sînoran ser de TC’yî amadekarîyî kerdê. Wazenê hêzanê îşxalî yê Rojawanî teqwîye bikerê.

Ancî waştêne Başûrê Kurdistanî de, Zap de, Xakurkê de hêrişanê îşxalî hîna bikerê hîra. Dimayê weçînitişê cayîyî yê Stenbolî yê 23’ê Hezîrane hêrişê tewr giranî yê nê serranê peyênan kerdî. Hema hema her roje 24 saetî hêrişê hewayîyî ardî rojdem. Bêmabên bi tanq, hewan û obusan eştî serê herêmanê sînorî. Qirkerdişan sivîlan ser de kenê. Koyan bêmabên bombarduman kenê. Bax, baxçe, koyan vêşnenê. Nê bêmabên dewam kenê.“

Bi Serkewtişî Qedîyayîşê Xoverdayîşê Grevê Vêşanîye Ravêrt Tarîxî

Rojeyê mergî yo pîl 14’ê Temmuze zîndanê Amedî de virazîyabi. La grevê vêşanîye yo bêpeynî ke 7’ê Teşrîna Peyêne ya 2018’î de bi serkêşîya Leyla Guvene dest pêkerd, tena bi zîndanan sînordar nêmend. Bi bicaameyîşo konkret ê hemleya ‚Ma tecrîdî bişiknê, faşîzmî birijnê û Kurdistanî azad bikerê.‘ Senî ke xoverdayîşê 14’ê Temmuze bi dişmenî game peyde daye eştene, xoverdayîşê grevê vêşanîye yê bêpeynîyî de, ke 26’ê Gulane de qedîya, ancî bi dişmenî game peyde amî eştene. Halêkî winayênî de ma ver bi serrgêrêka newî ya 14’ê Temmuze şinê, no yeno na mana ke tepişteyanê PKK’yij û PAJK’ijan û cimatê Kurdistanî cewabêk da.“  

Şertê ke Rejîmê Şerê Taybetî Xo Hîna Zaf Serê Payan de Bigêro Nêmendî

Şerîkî tewr peynî de vat ke Planê Çokronayîşî bênetîce mendo û vat, „Bê xoverdayîşî ne merdim eşkeno bi ser bikewo, ne merdim eşkeno estbîyayîşê xo bipawo û ne zî eşkeno hêrişanê qirkerdoxan ê kolonyalîstan pûç kero. Perçebîyayîşê tîfaqê neteweyî heman wextî de yeno na mana ke rejîmê şerê taybetî hîna zaf nêeşkeno xo payan ser o verdo. Çunke rejîmê şerê taybetî ancax serê tîfaqêkê winayênî de eşkayêne estbîyayîşê xo bidomno. Xoverdayîşê grevê vêşanîye yê dewamkerdoxî netîceyêko winayên xo dir ardo.

Bi na wesîle nê demî de ke ma serra 37’ine ya Xoverdayîşê Rojeyê Mergî yê Pîlî yê 14’ê Temmuze peyê xo de verdenê û kewenê serra 38’ine, ez şehîdanê ma yê pîlan Kemal Pîr, M. Hayrî Dûrmûş, Akîf Yilmaz û Alî Çîçekî yê ke mucadeleyê ma yê azadîye û demokrasîyî bi ser fînayê, bi hurmet bi vîr ana. Ancî ez xoverdayoxanê grevê vêşanîye yê ke 7’ê Teşrîna Peyêne yê 2018’î de dest pêkerd û heta 26’ê Gulan a 2019’î domna bi hurmet silam kena. Ma 9 hemrayanê xo yê ke nê xoverdayîşî de şehîd bîyê bi hurmet û minet bi vîr anê. Wazena reyna bidî zanayene ke ma do vîrameyîşanê înan mucadeleyê xo de tim bidê ciwinayene.“