Gelîya Solaxî ya Şingalî de pê şayîyêke Roşanê Çarşema Sor ameye fîrazkerdene. Goreyê êzidîyan Homa her serre melekêke reyde yeno rîyê erdî ser ke xirabîyan werte ra wedaro û mîyanê merdiman de weşîye vila bikero.

Roşanê Çarşema Sor roşano tewr pîl ê êzidîyan o. No roşan her serre menga nîsane de yeno fîrazkerdene. Goreyê dînê êzidîye menga nîsane dinya ronîyaye. Êzidîyî na menge de hakan boyax kenê. No zî temsîlê awankerdişê dinya yo. Goreyê bawerîya êzidîyan menga nîsane de kes ganî nêzewijo.