3ê adara 2017î cerganê Roje yê PDKyî hêrişê qezaya Xanesorî ya Şingalî kerdbî û 10 merdimî şehîd kerdbî. Şarê Şingalî bi merasîmêkî şehîdê Xanesorî yad kerdî.

Merasîm de nameyê Keyeyanê Şehîdan ser o dadîya şehîd Şoreşî Meyane qisey kerd û ard ziwan ke PDK hêrişanê DAÎŞî de rema coka nêeşkeno êzidîyan bipawo.

Endama TAJê Kinê Xidir îfade kerd ke PDKyî Xanesor de êzidîyan rê reyna îxanet kerd û vat: ''Vera Şingalî planê neweyî estê. La ma do meverdê ke nê xayînî abigêrê Şingalî.''

Xelîl Hecîyî nameyê Îdareyê Xoserî yê Şingalî qisey kerd û vat: ''Peyê Pêşmergeyanê Roje de MÎT esto. Şarê Şingalî hînî şarêko rêxistinkerde û bihêz o. Ma meverdê xayînî bêrê erdê ma ser.''

Mojnayîşê sînevîzyonî ra dima merasîm bi sloganan qedîya.