Şingal de vera hêrişê artêşa Iraqî serkêşîya cinîyan û ciwanan de xoverdayîşê ame destpêkerdene. Hêzê artêşe bin şewe mecbur mendê ke peyser agêrê. La seba ke hema şervanê birîndarê ke ke esîr kewtî serbest nêameyî veradayene, têkoşînê şarî dewam keno.

Goreyê zanayîşê ke Îdareyê Xoserî yê Şingalî û Hêzanê Pawitişî yê Şingalî ra ameyî girewtene netîceya xoverdayîşê şarî de ke serkêşîya cinîyan û ciwanan de ame destpêkerdene, artêşe mecbur mend ke Îdareyo Xoser ê Şingalî û selahîyetdaranê YBŞyî de bêro têhet.

Reyna goreyê zanayîşanê ke çimeyanê Îdareyê Xoserî yê Şingalî ra ameyî girewtene badê pêvînayîşan qerar ame girewtene ke artêşe do Şingalî rê sewqîyeto leşkerî yo newe mekero û hêzanê xo peyser bianco. Naye ser o çalakîya verê Mudirîya Îstîxbaratî ameye qedînayene.

Artêşa Iraqî tarîxê 18ê adare de taxa Yermukî yê Şingalî de hêriş kerd, 3 şervanê YBŞyî birîndar bîyî,5 şervanê ci sî esîr ameybî  girewtene. Badê hêrişî 19ê adare de şarê Şingalî serkêşîya cinîyan û ciwanan de xoverdayîş dabi destpêkerdene.