Heyetê Îdareyî yê Şingalî netîceyê kombîyayîşê xo yê 16ê nîsane pê eşkerayîyêke eşkera kerdî. Kombîyayîş de bale ameye antene Peymana Bexdad-Hewlêrî ya serê Şingalî û ame parekerdene ke êzidîyî do qetî na peymane qebul nêkerê. 

Netîcename de ame vatene ke geh û hêrişê vera Şingal û êzidîyan bêcewab nêmanê û komelê êzidîyan û Şingal tim do bêrê pawitene.

Eşkerayîya kombîyayîşî de ame vîrvistene ke xeyma xoverdayîşî ya Asayîşê Êzidxanî 138 rojî yo dewam kena. Eşkerayîye de ame parekerdene ke nobeta verê Asayîşî biqedo la xeyme do uca de bimana. 

Heyetê Îdareyî yê Şingalî îfade kerd ke heta caardişê Xoserîya Şingalî têkoşînê înan do dewam bikero.