Şingal de bi seyan kesan vera dormegirewtişê Şingalî ver bi sînorî kewtî rayîr. Artêşa Iraqî rayîrê girewtî û kerd ke verê rayraşîyayîşî bîgêra. Şarê Şingalî ewro  vera polîtîkayanê hukmatî vejîya kuçeyan. Xanesor û Sinunî ra bi seyan kesî ver bi baregehê Tirbika yo ke nizdê sînorê artêşa Iraqî de yo kewt rayîr. Artêşa Iraqî pê hêzêkê xurtî verê şarî girewt.

Roniştoxanê Şingalî bi armancê şermezarkerdişê viraştişê dêsê mabênê Rojawan û Şingalî rixmê astengîyan zî rayraşîyayîşêk kerd. Şingalijan venga hukmatî da ke peynîya nê sîyasetî bîyaro.

Rayraşîyayîşî ra dima eşkerayîye ameye wendene. Eşkerayîye de bale ameye antene ser ke abluqaya vera Şingalî planê dewleta tirke yo û venga hêzanê mîyanneteweyîyan da ke Tirkîya asteng bikerê.

Şingalijan dima waştişê xo sey dosya dayî selahîyetdaran ke nê waştişî wina yê:

''-Neteweyê Yewbîyayeyî (NY) wa vera plananê serê Şingalî vengê xo berz bikerê û rayîr medê karanê ke xizmetê şarî nêkenê.

-Ganî NY û rêxistinê heqanê merdiman nê binpaykerdişan rê mudaxele bikerê.

-Viraştişê dêsî wa vindero.

-Şingal wa xoser bo.''

Çalakîye bi slogananê sey 'Biciwîyo Serek Apo' û 'Bimiro îxanet' qedîyaye.