Endamê Meclîsê Şaredarîya qezaya Serê Kanî ya Riha ya HDP’yî Dîlan Ablaye pîya bi maye, pî û di wayûbirayanê xo ameyî destbendkerdene.

Çarçeweya operasyonê qirkerdişê sîyasîyî de polîsan saetanê serê sibayî eş serê banê Ablaye. Sereştişo ke drone zî ameyî şuxulnayene de polîsan berê keyeyî şikit û keyeyê ci serûbin kerd. Sereştiş de Dîlan Ablaya pîya  maya ci  Sevîme, pîyê ci Mûhlîs, birayê ci Baran û waya ci ya ke 18 serran ra qij a  ameyî destbenkerdene.

Polîsanê ke bi kepçeyi eşt keyeyî ser dêsê banê Ablaye rijna û baxçe de bi kendişî cigêrayîş kerd. Makîneyê karî bîyê sebebê raqilnayîşê daranê ke baxçe de yê. Hetê bînî ra bi hawayêkê hemwaxtî banê pîrikê Ablaye zî ame sereştene. Pirêkê  Ablaye Zubeyîro ke 73 serrî yo hetê polîsan ra ame derbkerdene.