Dmiayo ke 17’ê Temmuze de restorantê Huqqabazî ya Hewlêrî de endamê MÎT’ê Tirkî Osman Kose ke dewlete o sey dîplomat ramot ame kiştene, Kampa Koçberan Şehîd Rustem Cûdîyî ya Mexmûrî ser o qedexeyê vejîyayîş û dekewtişî ame bicaardene.

No kewt roja 10’ine ke bi tu hawayî rayîr nêno dayene ke ne nêweş, ne wendekar û ne zî yewna kes şiro Hewlêr. Heman wextî de çend kesê ke ameybî destbendkerdene înan ra heta nika hayîyêk nêamîya girewtene. 

Hetêna ra PDK derheqê hayîdarîyanê hemwelatijanê Mexmûrî yê ke bajaranê cîyayan ê Başûrê Kurdistanî de ciwîyenê cipersayîşan keno û tayênan zî karanê înan ra vejeno. Verê nikayî zî asayîşê PDK’yî kargehanê cîyayan ra hemwelatijê Mexmûrijî karr a vetîbî.