Baroyê Amedî, Komeleya Heqanê Merdiman (ÎHD) û Komeleya Huqûqnasan a Seba Azadîye (OHD) îşkence, gef û tedaya vera tepişteyan ê Zîndanê Amedî berd mehkeme.

Rêxistinan verî gerreyê nê kerdişan kerd û dima zî verê Edlîye de eşkerayîye daye. Eşkerayîye de Hemserekê OHDyî Bunyamîn Şeker, Serekê Baroyê Amedî Nahît Eren û Serekê Şubeyê ÎHDyî Abdullah û xeylêk avûkat, pawitoxê heqanê merdiman amade bîyî.

Endamê OHDyî avûkat Şemdîn Şahînî vist vîrî ke derheqê binpaykerdişê heqan de xeylêk kesan muracatê înan kerdo, înan hewt tepişteyan dir pêvînayîş kerd. Tepişteyan vato ke gardîyanî tepişteyan rê îşkence kenê, gefan wanenê.