Merkezê Çapamenî û Îrtîbatî yê HPG’yî derheqê çalakîyanê gerîlayan û hêrişê artêşa Tirkî de eşkerayîyêk daye û nê pare kerdî:

Vera Qereqolê Tepê Hîzanî Çalakîye

‘’9’ê Temmuze de hêzanê ma qezaya Licê ya Amedî de vera qereqolê Tepê Hîzanî çalakîyêk viraşte. Çalakîya ke mewzî û stargehî bitesîr ameyî pirodayene de hûmara merde û birîndar eskeran nêameye safîkerdene. Dimayê çalakîye artêşa Tirkî ya îşxalkare herême de  dest bi operasyonêk kerd û heman roje de destveng peyser ageraye.

Operasyonê Amedî de Gerîlayêk Şehîd Bi

Heman roje dewleta Tirkî herêmanê Digihêva, Koçeran, Banê Dêranî yê Licê de dest bi opeasyonêk kerd. Çarçeweya operasyonî de herême bi helîkopteran ameye bombardûmankerdene. Netîceya bombardûmanî de embazê ma Mervan birîndar bi. Roja bînî îşxalkaran bi Skorskyan eskerî kiriştşê herême û mabênê înan û  hemra Mervanî de pêkewtişê giranî ciwîyayî. Nê pêkewtişan embazê ma Mervan yewê ci payeberz 7 eskerî kiştî. Hemra Mervano ke heta çilka gonîya xo ya peyêne xover da seba ke destê dişmenî mekewe bombaya xo, xo ser teqina û tewrê kerwanê şehîdan bi. Dişmeno ke debeyê girdî werdî hêrişê sivîlan kerd 2 sivîlî birîndar bîyî û bax û baxçeyê şarî ameyî vêşnayene. Nasnameyê embazê ma yê şehîd wina yo:

Nameyê Qodî: Mervan Amed Name Peyname: Ahmet Engîn Cayê Bîyayîşî: Amed Maye-Pî: Esma - Suleyman Tarîx û Cayê Şehadetî: 10’ê Temmuze 2019 / Amed

Ma sere de keyeyê ercayeyî yê hemrayê ma Mervanî, hemeyê şarê Kurdê welatperwerî serweşîye wazenê û soz danê ke ma do  mîrasê mucadeleyo ke şehîdanê ma, ma rê verdayo biresnê serfirazîye.”

Çelê de Bombardûman

8’ê Temmuze de artêşa Tirkî ya îşxalkare herêma Deşta Xanê ya pabesteya qezaya Çelê ya Colemêrgî  bombardûman kerde. Bombardûman de hîrê embazê ma şehdî bîyî. Embazê ma yê ke şehîd bîyî nasnameyê înan cuwa pê do rayapêroyî dir bêrê parekerdene.

Hêrişê îşxalî yê artêşa Tirkî yê vera herêma Xakurkê ya Wareyê Pawitişî yê Medya dewam kenê. Artêşa faşîste ke wazena çarçeweya îşxalî hîra bikero 12’ê Temmuze de Qilê Kooîrdîne û herêma Qebra Zahîrî bombadûman kerdî û dima zî bi Skorskyan eskerî kiriştî. Heman roje de teyareyanê şerî ya artêşa Tirkî herêma Deşta Kafya ya Gare û herêma Aris Farisî ya Avaşînî bombardûman kerdî. Bombardûmanan de vînîbîyayeyê ma çîn ê.’’