Endamê Heyetê Rayberdişî yê Sendîkaya Kedkaranê Xizmetanê Komelkîyan (SES) Bekîr Toprakî derheqê meseleyanê warê weşîye yê Amedî de ANFyî rê qisey kerd. 

Bekîr Toprakî ard ziwan ke meseleyê warê weşîye kerdişanê keyfîyan ra qewimîyenê. Toprakî vat: ''Kerdişê keyfî yê vera kedkar û xebatkaranê weşîye, moral û motîvasyonê xebatkaran kêmînenê. Seba ke hûmara doktoran kêm a, xizmetê welîye şarî rê nênê dayene. Doktorî roje de ewnîyenê bi seyan nêweşan. No zî tesîrê performansamnê nîna keno. Nêweşxaneyê Cigêrayîş û Perwerdeyî yê Gazî Yaşargîlî her roje xizmetê 10 hezar nêweşan keno. La meseleyê nêweşxaneyî nênê çareserkerdene.

Kêmîya xebatkaranê weşîye meseleyêka pîk a. Sîstemê randevuyan de zî mesele est a. Bi taybetî nêweşê kanserî nêeşkenê randevu bivînê û mexdûr benê.''

Toprakî îfade ker dke SES seba çareserîya meseleyan karanê girîngan keno û vat: ''Ma sendîkaya komelkî yê. Weşîya nê şaristanî û na herême seba ma girîng a. Bi taybetî ma xizmetê bi ziwanê dayîke wazenê. Eke bi ziwanê dayîke xizmet bêro dayene hinî tedawîkerdişê nêweşan zî do asan bibo.''