Gerîlayanê HPG û YJA-Starî bi wesîleya serrgêra Komployê Mîyanneteweyî yê vera Rayberê Şarê Kurdî Abdullah Ocalanî ANFyî rê qisey kerd.

Gerîlaya YJA-Starî Arjîne Argeş vat: ''Ganî hol bêro famkerdene ke no komplo şexsê Rayber Apoyî de vera pêro kurdan ame kerdene. Rayber Apoyî bi tewirê xo komplo Îmrali de pûç kerd û xêrê tewir û têkoşînê  Rayberîye ra kurdan û cinîyan dest pê têkoşînî kerd.''

Gerîlaya YJA-Starî Delîla Argeş vat: ''2022 de armancê ma yo tewr pîl no yo ke ma do azadîya Rayber Apoyî bîyarê ca. Ma venga terefgîranê azadîye û welatperweran danê ke dormeyê fikranê Rayber Apoyî de gerîlayan reyde têkoşîn bikerê.''

Gerîlayê HPGyî Alî Xebatî vat: ''Ez pêro şehîdanê 'Şima nêeşkenê tîja ma tarî bikerê' bi rêzdarî yad kena. Ma do qetî azadîya Rayber Apoyî bîyarê ca.  Heta Rayberê Şarê Kurdî Abdullah Ocalanî esîr bo do pêro şare tecrîdkerde bibo.''

Gerîlayê HPGyî Şahan Demsalî vat: ''Bi komployî şexsê Rayber Apoyî de ame waştene ke şarê kurdî bi hawayêkê topyekûnî bêro çinkerdene. Oyo ke Komplo çin kerd Abdullah Ocalan o. Hemleya Wextê Azadîye kewte serra diyîne. Gerîlayî do serkêşîya na hemle bikerê û bi şîarê 'Azadîya Ocalanî azadîya Kurdîstanî ya' dest pê serra 2020î bikerê.''