Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê artêşa tirke ya îşxalkere de eşkerayîyêke daye. 

Eşkerayîye wina ya:

''Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de bi teknîkê taybetî vera îşxalkeran 6 çalakîyî ameyî kerdene. Artêşa îşxalkera ke giranê Şehîd Pîrdogan, Şehîd Gelhat û Şehîd Komandoyî de bîya 4ê hezîrane de û 5ê hezîrane de ameye pirodayene. Nê çalakîyan de mewzîyanê îşxalkeran de teqayîşê pîlî qewimîyayî û zerarêko pîl dîya dişmenî ro.

Herêma Şehîd Delîlî ya Rojawanê Zapî

5ê hezîrane de Warê Xoverdayîşî yê Girê Cûdîyî de îşxalkerî ameyî pirodayene.

5ê hezîrane de Warê Xoverdayîşî yê Girê Amedîyê de hetê hêzanê ma yê YJA-Starî ra îşxalkerî ameyî pirodayene.

Hêrişê artêşa îşxalkere

4-5ê hezîrane de tunelê Warê Xoverdayîşî yê Girê FMyî 13 reyî bi gazanê kîmyewîyan ê jehrînan û tunelê Warê Xoverdayîşî yê Girê Amedîyê çar reyî bi teqaberanê qedexeyan dîyayî bombayan ver.

4-5ê hezîrane de warê Girê Sîserî yê Garê, warê Bazê, Bêşîlî, Dergelê, Serê Metîna, Şêlazê yê Metîna; warê Şehîd Harun, Şehîd Cihan, Girê Zergelê yê Qendîlî, warê Sinînê û Şehîd Şerîfî yê Xakurkê dîyayî bombayan ver.''