Artêşa tirke ya îşxalkere wextê bombardumanê vera Metîna de dewa asûrîyan Mîska zî hedef girew. Hêriş de dêrê dewe zî ame pirodayene.

Artêşa tirke ya îşxalkere Herêmanê Pawitişî yê Medya bitaybetî zî herêma Metîna demê peyênî de bi hewayêkê giranî dana dombayan ver. Netîceya nê hêrişan de erazîya dewanê Miska, Dergelê û Baze de şewatî vejîyayî.

Dîmenê peyênê ke herêmî ra ameyî mojnenê ra ke dewa asûrîyan Mîska hetê artêşa tirke ra dîyaye dombayan ver.

Dîya zanayene ke artêşa tirke verî dewijî tehdît kerdî ke wa dewe ra vejîyê, dima ra dewe da bombayan ver ke hinî dewijî nêeşkenê tede de bimanî. Artêşa tirke ya ke bi serran o vera Herêmanê Pawitişî yê Medya sûcanê şerî kena bi nê hêrişê vera dewa Mîska hem xozaya herême daye adirî û qetil kerd, hem qestê ganê şarî kerd û cayê roniştişî da bombayan ver û hem zî dêro ke îbadexaneyo bimbarek o da bombayan ver.

Nê sûcê şerî yê artêşa tirke yê ke PDK zî ci rê hemkarîye kena, hetê dezgehanê medyaya mîyanneteweyîye  û herême ra zî ameybî belgekerdene û parekerdene.