Badê xebera 'artêşa tirke ya îşxalkere Duhok de nuqtaya kontrolî naye ro' ya RojNewsî, artêşa tirke na xebere  red kerd la dîmenê ke Vengê Amerîka  (VOA) Kurdî warî de antî ramojnenê ke artêşa tirke nuqtayanê kontrolî de nasnameyan kontrol kena.

Goreyê xebera  VOA Kurdî ra rojnameger Kawa Omerî dewleta tirke 35 kîlometre kewte zere û dewijê herême binê tesîrê hêrişan de mendî. Goreyê xebere leşkeranê tirkan nuqtaya kontrolî de kurdkî û tirkî vilawekî vila kerdî û pêhesnayene ke ê do nasnameyan kontrol bikerî.

Dewleta tirke ya îşxalkere ya ke bi serran o Başûrê Kurdîstanî hêrişanê îşxalî kena û tîya bi seyan nuqtayê leşkerî nayî ro, rojanê peyênan de pîya bi xeylêk leşkeran 300 wesayîtê zirxinî  û tankî sewq kerdî.

Rixmo ke heqê bandura Iraqî eşkera yenê binpaykene  Bexdad û Hewlêr bêvengîya xo pawenê.  Hêzê mîyanneteweyî zî vera nê îşxalî çimanê xo genê.