Colemêrg de dewijê ke bazirganîyê sînorî kenê raştê hêrişê artêşa Tirkî ameyî. Helîkopterî dewijan ser o bombayî rişnayî. Netîceya hêrişî de domenêko 14 serre ame qetilkerdene.

Ame zanayene ke  vizêr dewijê dewa Çemekurkî ya qezaya Derecîkî yê ke bazirganîyê sînorî kenê, gama ke Başûrê Kurdistanî ra agêrayênê raştê hêrişê artêşa Tirkî ameyî. Netîceya hêrişê  helîkopterî de Vedat Ekîncî yo 14 serre ame qetilkerdene û dewijan ra yewê zî bi giranî birîndar bi.

Bi sebebo ke hêzê Tirkî yê ke xeta sînorî de sucî kenê nênê cezakerdene  qewimîyayîşê winayên zêdîyene. Dewa Roboskî ya qezaya Qilabanî ya Şirnexî de teyareyanê şerî yê artêşa Tirkî 28’ê Kanûn a 2011’î de qetlîamêk kerdbi. 19’ê înan domanî 34 kesî ameyîbî qetilkerdene.