Kampanyaya baykotkerdişê malanê Tirkan Başûrê Kurdîstanî de her ke şono pêro şaristan û şaristanokan de bena hîra. Bi nê armancî çalakîkeran û welatîyan ra hûmareyek waşt ke Şaristanê Hewlêrî de, Parka Şanedar a Hewlerî de seate 15:00 de çalakîyek organîze bikerê labelê hêzê asayîşî û polîsan çalakîker ûwelatîyan ra ver cayê çalakîye de amede bîy û rayîr nêda ke na çalakîye bêra kerdene.  

Derheqê na yewe de çalakîkeran ra yewê sîvîlî Nîyaz Ebdulayî ANF rê qisey kerd: “Hêzê asayîşî û polîsî eşkera çalakîkeran ra vanê; ‘Ma rayîr nêdanîme ci ke çalakîya boyotkerdişê malanê Tirkan bêra kerdene’ û rayîr nêda ci ke çalakîye bêra kerdene zî.   

Na birra rayîrnêdayîşê çalakîye seba ke verê zîyaretê Tirkîya yê Serokê Hukumetê Herêma Kurdîstanî Mesrûr Barzanî ke roja Pancşemîye bikero qewemîyaya bal anit xo ser.