Merkezê Çapamenî û Îrtîbatî yê HPG’yî derheqê çalakîyanê gerîlayan ê ke çarçeweya Hemleya Şorişgêre ya Şehîd Bager û Şehîde Ronya ya ke Wareyê Pawitişî yê Medya de yena domnayene de ameyî viraştene de eşkerayîyêk daye û nê pare kerdî:

Avaşîn

''23’ê Hezîrane de herêma Qilê Xwedê ya Avaşînî de yewîyekê dişmenî ameye pirodayene. Çalakîye de mewzî ameye îmhakerdene, 5 leşkerî ameyî  kiştene 5 zî birîndar bîyî. Artêşa Tirkî ya ke derbeyê giranî girewtî herêmê derûdore xo bi obus û hawanan bombardûman kerdî. Yewîya ma ya ke çalakîye viraşte weş resaye cayê xo.

Xakurkê

24’ê Hezîrane (Ewro)  de hêzanê ma Xakurkê de vera yewîyêka operasyonî ya Tirkî ya ke xo Qilê Şehîde Sarya de ca kerdbî çalakîya sûîaqatî viraşte. Çalakîye de leşkerêk ame kiştene.

Çelê

24’ê Hezîrane (Ewro)   hêzanê ma qezaya Çelê ya Colemêrgî de vera yewîyanê operasyonî yê artêşa Tirkî  yê ke herêma sinorî ya Stûna de ameybî cakerdene çalakîyêk viraşte. Leşkere ke wezîfedarîyê asayîşê Qilê Stûna kerdêne sey hedef ameyî girewtene. Netîceya çalakîye de 2 leşkerî ameyî kiştene.

Omerya

12’ê Hezîrane de artêşa Tirkî ya îşxalkare herêma Omerya ya qezaya Nisêbînî ya Mêrdînî de operasyon da destpêkerdene. Îşxalkaran herêma operasyonî bi teyarenê şerî bombardûman kerde. Netîceyê nê hêrişan de di mebazê ma şehîd  bîyî. Nasnameyê embazanê ma do rayapêroyî dir bêrê parekerdene.''