Çewlîg de wextanê peyênan de serebûtê xokiştişî zêdîyayî. Wekîlê HDPyî yê Çewlîgî Erdal Aydemîrî derheqê babete de vernîyazêk da Meclîs û waşt ke  Komîsyonê Cigêrayîşî yê Meclîsî bêro awankerdene. 

Goreyê doneyan Çewlîg de serra 2009î de 3ê ci cinîyî û 6ê ci camêrdî 9 serebûtê xokiştişî qewimîyayî. 2019 de na hûmare bîye 550 û serra 2020î de zî zedîyaye. Aydemîre bale ante doneyan ser û vat: ''Yeno îdîakerdene ke sebebê nê serebûtan bêkarî, tedaya keyeyî, şîdetê zereyê keyeyî, qesawetê seba ameyoxî yê. Bi taybetî serra 2018î ra dima kênayê ciwanî yê 15-24 serreyî se ra 70ê doneyanê xokiştişî de ca gênê. Ganî zêdîyayîşê nê serebûtan nêro peygoş kerdene. Seba ke nê serebûtî bêrê cigêrayene ez wazena ke Meclîs de cade Komîsyonê Cigêrayîşî bêro awankerdene.''