Cengaver Aykulo ke vera tecrîdkerdişê Rayberê Şarê Kurdî Abdullah Ocalanî  116 rojî yo Hepisxaneyê Xarpêtî yê bi Asayîşê Berzî yê hûmara 2’ine de grevê vêşanîye de yo, çarçewaya cezaya dîsîplînî  de 3 mengî qedexeyê pêvînayîşê akerde û padayeyî ameye dayene. Ame musayene ke Aykulo ke rewşa ci giran a, eke grevê vêşanîye ca nêverdo do bi zor mudaxale bêro kerdene.

Çalakîya Cengaver Aykulo ke seba wedaritişê tecrîdkerdişê Rayberê Şarê Kurdî Abdullah Ocalanî  16’ê Kanûne ra nata grevê vêşanîye de yo kewte roja 116’ine.  Aykulo ke Hepisxaneyê Xarpêtî yê bi Asayîşê Berzî yê hûmara 2’ine de yo, çarçewaya cezaya dîsîplînî de ci rê 3 mengî qedexeyê pêvînayîşê akerde û padayeyî ame dayene. Aykulo ke xeylî kîlo vînd kerdo û nêeşkeno rayra şiro, 3 mengî do keyeyê xo reyde pêvînayîşan nêeşko bikero, teyna bieşko pêvînayîşê telefonî bikero.