Endamê Konseya Rayberdişî ya Komelgehê Demokratîk û Azadî yê Rojhelatê Kurdîstanî (KODAR) Goran Şahoyî bi wesîleya serrgêra 23. ya Komployê Mîyanneteweyî yê 15ê Sibate ANFyî rê qisey kerd.

Goran Şahoyî nê ercnayîşî kerdî: 

''Bi se serran seba ke rayberê ci çinbi xoverdayîş û têkoşînê kurdan serkewte nêbîyî. Kurdîstan binê îşxalî de bi. Coka kurdî hewceyê yew rayberî bîyî. Rayber Apo nê esasî ser o sey Rayberîye vejîya werte. Ewro xêrê têkoşînê Rayberîye ra kurdî bîyî wayîrê hêz û têkoşînî. Seba ke înan dî ke hînî nêeşkenê şarê kurdî seba menfaatanê xo bişuxilnê vera Rayber Apoyî tecrîd kenê. La şarê kurdî û têgêrayîşê azadîye pê felsefeya Rayber Apoyî têkoşîn keno û no têkoşîn tesîrê pêro dinya keno.

Coka pêro merdimê ke seba azadîye, edalet û têdûştîye têkoşîn kenê ganî pê pêro hêzê xo azadîya Rayber Apoyî bîyarê ca. Çunke azadîya Rayber Apoyî do azadîya çar parçeyanê Kurdîstanî bîyara ca. Ma venga pêro roşnvîran, hunermendan, nuştoxan, azadîgîr û têdûştîgîran danê ke tewrê Kampanyaya Ocalanî rê Azadîye bê.''