Baroyê Mêrdînî herinda tabeleya xo ya ke verî têna tirkî bî, tabeleya 4 ziwanan daliqnaye. Baroyê Mêrdînî baroyo verêno ke bi ziwananê kurdkî, tirkî, erebkî û suryankî  tabela daliqnaye.

Îdareyê baroyî plan kerdbi ke ewro verê kombîyayîşê Heyetê Pêroyî tabela bidalqnê la seba ke aktîvîteyî ameyî qedexekerdene û kombîyayîş aşma kanûne rê peyde erzîya, tebela ewro bêveng-bêvaj ameye daliqnayene.