Bi vengdayîşê Înîsîyatîfê Edaletê seba Kurdan ê Mîyanneteweyî 30 welatan ra 1003 kesan 13ê kanûna 2021î de bi eşkerayîyêka hempare îmza daye Kampanyaya PKK wa  lîsteya terorî ra bêro vetene. Kampanyaya ke Ewropa, Amerîka, Kanada û Awusturya de yena rayaberdene de çar mîlyon îmzayî yenê hedefkerdene. Îmzayê ke do bêrê arêdayene Konseya Ewropa û dezgehanê heqanê merdimanê Amerîka rê do bêrê şawitene.

Bajarê Silêmanîye yê Başûrê Kurdîstanî de serêkşîya Înîsîyatîfê Abdullah Ocalanî rê Azadîye de çarçewewa kampanya de kombîyayîşêko xurt ame kerdene. Sere de Hewlêr, Silêmanî û Duhok heme bajaranê Başûrê Kurdîstanî ra temsîlkarê bawerî, nuştox, sîyasetmedar, hunermend û roşnvîran da zanayene ke ê tewrê kampanyaya PKK wa lîsteya terorî ra bêro vetene benê. Kombîyayîş de ame vengayene ke wa çar leteyanê Kurdîstanî ra şar wayîrê kampanya vejîyo.