Çalakîyanê protestoyî yê Başûrê Kudîstanî yê ke bitaybetî herêmanê pabesteyê Silêmanî de yêne kerdene de, di rojan de netîceya hêrişê hêzanê asayîşî de yewê ci domano 12 serre 6 kesan cuya xo vînî kerde.
Başûrê Kudîstanî de çalakîyanê şarî ewro zî dewam kerd. Seyîdsadiq, Tekye, Qeladiz, Çemçemal, Xurmal, Kifrî, Zereyan, Pîremegrûn, Şarezu û Ranya de hemwelatîyan vera neheqîya ke înan rê yena kerdene hêrsê xo ard ziwan.
Çalakîyanê Ranya de netîceyê hêrişê hêzanê asayîşî de 3 kesî birîndar bîyî. Kelaro ke pabesteyê Germîyano de şar saetanê şanî de vejîya kuçeyan. Hêzanê asayîşî bi çekan hêrişî şarî kerd. Çalakwanan pê kuçan cewabê înan da. Bajarekê Xurmalî de şar bînayê tay partîyan û dezgehanê hukmatî tafînayî. Bajarakê Tekye yê Çemçemalî de hêzanê asayîşî çalakwanan ser o guleyî varnayî. Ciwanêko 28 serreyî cuya xo vînî kerde û 4 kesî birîndar bîyî. Çalakîya Tekye de banê PKDyî ame tafînayene. Seyîdsadîq de sey roja dişemeyî reyna bi hezaran kesî vejîyayî kuçeyan. Hêzanê asayîşî pê çekan hêriş kerd. Netîceya hêrişî de domanê bi nameyê Herêm Elîyo 12 serre û Emîr Ubedo 16 cuya xo vînî kerde. Çalakîyan de 13 kesî birîndar bîyî.
Roja dişeme zî Çemçeman, Derbendixan û Kifrî de 3 kesî bîbê qûrbanê guleyanê hêzanê asayîşî.
