Başûrê Kurdîstanî de malimî û karkerê ke meaşê înan nînê dayene grev da destpêkerdene û vejîyayî kuçeyan.

Sere de Silêmanî xeylêk bajaran û qezayanê înan de grevan dest pê kerd. Çalakwanî wazenê wa meaşê înanê ke nînê dayene bêrê dayene û şertê gureyî bêrê holkerdene.

Silêmanî de xebatkarê ceyran û şaredarî, îdarekarê nêweşxane û meketebê  El Kemalî û Halepçe de malim û xebatkaranê Wezîrîya Citkarîye û Kulturî seba ke meaşê înan nînê dayene gure caverda. Qezaya Kifrî ya Germîyan de zî karker û malimî vejîyayî kuçean rayîrê Kifrî-Kelarî trafîkî rê qefilna. Qezaya Penciwanî de rayîro ke şino Silêmanî trafîkî rê ame qefilnayene. Herêma Xaneqînî de karkerê pakkerdişê ke di mengî yo maaşê xo nêgenê di rojî yo grev de yê.

Hukmatê Herêma Kurdîstanî vatbi ê do her 25ê menge de meaşan bidê. La berpirsîyarê hukmatî saba ke pere çîn o, di mengî yo meaşê karkeran nêdanê.