Eyamê germî û ziwayîya Başûrê Kurdistanî bi sebeb ke awe bibo kemî. Goreyê xebera CNN’î bi kemîbîyayîşê awe qesrêk ke emrê aye 3.400 serrî yo amî dîyene. Arkeologê Kurd û Almanî derheqe babete de kewtî têgêrayîşî.

Awanîya kane sîteya Kemûnî de amî dîyene û rîyê na sîte rîyê awbendê Mosilî ra binê awe de mendebî.

Dimayo ke awa royî serra 2010 de tayê kemî bîye qesre tayê asaye, la seba cigêrayîşî awa binî zêde bî.

Arkeologo Kurd Hasan Ahmed Qasimî seba vermendeyanê dewrê Bronzî vat, “Keşfanê tewr muhîman ê arkeolojîkan ê nê serranê peyênan ra yew o”.

Goreyê xebera CNN Internationalî herêma ke qesre tede ya ê dewrî de Mîttanîyî serdest bîyî. Bi rayîrê nê keşfî derheqê Mîttanîya ke şahanşahîyêka Rojakewtena Mîyanêne ya ke kemî yena zanayene ya, do hîna zaf hayîdarîyî bifînîyê dest.