Başûrê Kurdîstanî de wendekarî seba ke 2014î ran ata bursê înan nînê dayene, şertê kampus û cayê mendişî zaf xirab û heqê înan ê perwerdeyî yenê binpaykerdene 4 rojî yo çalakîye de yê.

Sere de Hewlêr, Duhok, Silêmanî, Kelar,Kifrî, Koye û Raperîn de çalakîyanê wendekaran ewro zî dewam kerd. Silêmanî de wendekarî ver bi walîtîye rayra şîyî. Rixmê asayîşê PDKyî wendekaranê Unîversîteya Hewlêrî rayîrê Kerkuk-Hewlêrî trafîqî rê qefilna. Xeylêk hêzê asayîşî û wesayîtê zirxinî warê çalakîye rê ameyî teqîye kerdene. Alîmanê dînî yê Başûrî zî bi eşkerayîyêke paştî daye wendekaran. Alîman veng da hukmatî û vat seba ke hemwelatîyî tengayî ancanê verê xo danê welatanê xerîban û sînoran mirenê.