Başûrê Kurdîstanî de vewra ke vizêr şewe dest pêkerdbî heta nika bi hawayêkê tesîrînî dewam kena. Varayîşê vewre ra Başûr de hema hema cuye vinderte.

Hewlêr, Silêmanî, Zaxo û Dihok û xeylêk qeza û bajarekê bînî yê Başûrî vewre ra sipî bîyî. Varayîşê vewre ra dibistanî zî tehtîl bîyî.

Hetê bînî ra xebatê pakîkerdişê rayîran û peydakerdişê sotemenîye vewre ra bi zehmetî yenê kerdene.

Roniştoxê Silêmanî doktor Heval Ebûbekîrî bi eşkerayîyêke pare kerd ke ganî ramitoxî rayîran ra baldar bibê.

Balkêş o wextêkê dergî ra nata hende vewre nêvarabî Silêmanî.