Gerîla Akîf Botanî Heftanînî de şehadetê xo ra verî roportajêkê xo de wina vatbi: ''Şert û mercî zehmet ê. La no yew hewcedarîya têkoşînî ya ke no têkoşîn ma payan ser o vindarneno. Ma bimoral ê, bala her kesî ma ser o ya û ma çarenusê şarêkî eşkera kenê.''

Nê roportajî ra dima Akîf Botan şehîd bi û vatişê ci peyê ey de mendî.

Nê hewteyî mektubêk resa mi destî. Mektub mîyanê rojnuşteyêkî de bibi. Mektub dirîyaye bi û hîte bi. Culmeyê mektubî û vatişê Akîf Botanî zaf mendêne pê. Mektub hetê Vîyane Amed ra nusîyabi ke Vîyane serra 2016î de Gever de şehîd bibî. Nê mektubî de ke di gerîlayê nenasî ardî yew ca wina nusîyayêne:

''Ma zef zehmetîye ante. La no hewcedarîya têkoşînê azadîye yo. Ma pê na hîşmendî û bawerî zêdêr bîyî girêdayîyê partî. Her çi zaf xirab nîyo. Ma heta peynî pê qerardar ê û ma do şehadetêkê ercanî qet qebul nêkerê. Bawerîya ma ya seba serkewtişî qasê roje eşkera ya. Ma zaf bimoral ê, şar her roje ma ra xatir wazeno la ma nê atmosferî de nîyê. Ma pê eşq û moralî amade yê ke şer bikerê û ser bikewê. Ma hol zanenê ke îmkanan ra verî wasfê merdiman girîng ê.''

Vîyane Amed têna çîyêk waştbi ke pêro gerîlayan seba nê vatişî têkoşîn dewam kenê:

''Wa ma xo vîrî ra nêkerê!''