Hemserekê Konseya Rayberdişî yê KCKyî Cemîl Bayikî cewab da persanê ANFyî û qala Newroze kerd.

Qiseykerdişê Bayikî ra beşêk wina yo:

''Newroze xoverdayîşêko tarîxî yo. Manaya Newroze xoverdayîşê vera dişmenî, vera koletîye weriştiş o. Kurdan tim vera kolonyalîstan estbîyayîşê xo pawit. Kurdî key xoverdayîşî ra kwtî dûrî estbîyayîşê înan kewt binê tehlukeyî. Xoverdayîşî ra ber rayîrê kurdan çin o ke tira hêz bigêrê.

Taybetmendîya Newroze na ya ke mîyanê kurdan de raştî û hîsî afernayî. Nameyê xoverdayîşê estbîyayîşî yê kurdan Newroz a. Seserra 20. de kurdan rê çinbîyayîş amebi ferzkerdene. Ameyêne waştene ke kurdayetîye bi temamî bêra qedînayene û vîrakerdene. Şarê kurdî visîyabi mîyanê prosesê înkar û çinbîyayîşî. Vera ney têna bi xoverdayîşî estbîyayîş bîyêne.

Rayber Apoyî vera kolonyalîzmî dest pê têkoşînê xoverdayîşî kerd û şarê kurdî reyna resna Newroze. Şarê kurdî bi Newroze cewherê xo newe ra kifş kerd û xo newe ra aferna. Ma eşkenê vajê ke Newroze û şarê kurdî yewbînan temam kenê. Şarê kurdî estbîyayîşê xo bi xoverdayîşî paweno. Mîyanê pêro şert û mercanê giranan de zî şarê kurdî estbîyayîşê xo awan kerd.

Çalakîya tarîxîye ya Mazlûm Doganî zî bi nê hawayî qewimîyaye. Mîyanê şert û mercanê tarî û zehmetan de adirê Newroze edalet û tarîxêko newe afernayî. No tarîx tarîxêko newe yo ke pê xoverdayîşî estbîyayîş û azadîya xo ano ca. Coka Mazlûm Dogan sey Kawayê Modernî şinasîyeno. Şar tradîsyonê xoverdayîşî yê Mazlûm Doganî teqîb kerd û xoverdayîşê Newroze aferna. Dima ke gerîlayan dest pê têkoşînî kerd, şarî bi xoverdayîşê pîlî Newroze pêşwazî kerde.  Na raştîye ra Rayber Apoyî şarê kurdî rê vato 'Şarê Newroze.' Çunke Newroze de şarê kurdî resa raştîya xo û xo aferna.

Na rewşe ewro zî heman a. Seba kurdan Newroze hema zî yena heman mana. Cewabo tewr manadar o ke kurdî do bidê AKP-MHPyî herikîyayîşê ver bi waranê Newroze û mojnayîşê îradeyî yo. Ma bawer kenê ke na Newroze de zî kurdî do vejîyê waran, Newroze bi xoş û xoverdayîşî fîraz bikerê û perwerîya xo ya bi Rayber Apoyî ancî bimojnê. No do derbêka pîle bido faşîzmê AKP-MHPyî ro.''

Ma bawer kenê ke na Newroze de zî kurdî do vejîyê waran, Newroze bi coş û xoverdayîşî fîraz bikerê û perwerîya xo ya bi Rayber Apoyî ancî bimojnê.