Merkezê Îrtîbatî û Çapemenîye yê HPGyî bi eşkerayîyêke da zanayene ke menga adare de netîceya ''hêrişê dişmenî'' de ''Fermandaro fedayî yo Apogîr Hewrê Çiya'' şehîd bîyo.

Eşkerayîye wina ya:

''Embazê ma Hewrê Çiyayo ke fedayîyê Rayber Apoyî yo bêteredut û bêhesab bi adara 2024î de hêrişêkê dişmenî de şehîd bi.

Embaz Hewrêyo ke zerrîya ci bi eşqê welat, şarê ma û embazanê ma debibî, zerrîya pêro embazanê xo de bi wayîrê cayêkî. Ey destanê neweyî îlaweyê têkoşînê ma kerdî û nameyê xo tarîxî ser ra neqş kerd. Tewirê ey ê xeta fedayîtîye, perwerîya ey a bi erjanê neteweyîyan, embazîya ey a samîmî û tewirê ey ê xeta fermandarîya fedatîye do tim rayîrî bimojnê ma.

Ma sere de keyeyê embaz Hewrêyî yê ercîyayeyî rê, şarê ma yê Rojhelatê Kurdîstanî û pêro şarê ma yê Kurdîstanî yê welatperwerî rê serweşîye wazenê. Heta ke embazê ma yê fedayî yê sey embaz Hewrê est bê têkoşînê ma do ser bikewo. Ma soz danê ke seba ke bibê layîqê vîrameyîşê ey têkoşînî berzêr bikerê.

Nasnameyê embazê ma yê şehîdî wina yo:

Embazê ma Hewrê Çiya şaristanê Ciwanroyî yê Rojhelatê Kurdîstanî de dadîya xo ra beno û wexto ke 12 serre bîyo keyeyê xo de koçê Almanya keno. O Almanya de tewrê xebatanê ciwanan beno.

Embaz Hewrê dima verê xo dano koyan û beno gerîla. O Herêmanê Pawitişî yê Medya de perwerde vîneno. Embaz Hewrê cade adapteya koyan beno û bi xurtî tewrê têkoşînî beno. O Dima tewrê xebatanê Hêzanê Taybetan beno û perwerdeyêkê zixmî ra dima erkanê girîngan ano ca. 

Embaz Hewrê wextê hêrişanê giranan ê dewleta tirke de tewrê Yewina Hereketîne ya Şehîd Cumalî Çorumî beno û derbazê Zapî beno. O tîya de derbanê giranan dano dişmenî ro û beno wayîrê kedêka girînge. 2022 de narey sey fermandarêkî o Zap de erk keno. Embazê ma Hewrê bi fermandarîya xo zî embazanê xo rê beno nimûne.Embaz Hewrê 2023-2024 de Operasyonanê Şorişgêran de performansêkê xurtî mojneno ra.

Ma sey embazanê ci tim vîrameyîşê embaz Hewrêyî gandar biverdê û şexsê ey de do layîqê pêro şehîdanê ma bibê.''