Gerîlayanê HPGyî Komployo Mîyanneteweyî yê vera Rayberê Şarê Kurdî Abdullah Ocalanî ANFyî rê ercna.

Gerîla Bahoz Licêyî vat: ''Rayber Apo vera koletîye werişt we. Rayberê ma bi nê hawayî PKK awan kerd. PKK zî ewro bîyo hêvîya merdiman. Hêrişê dewleta tirke yê vera Herêmanê Pawitişî yê Medya binkewtişê ci mojnenê. Ma sozê xo yê serkewtişî dibare kenê û bedelê ci se beno wa bibo ma do azadîya Rayber Apoyî bîyarê ca. Nameyê şar û gerîlayanê kurdan ser ma do mesuldarîya xo bîyarê ca.''

Gerîlayê HPGyî Çekdar Goyîyî vat: ''Komplogerî rixmê tecrîdî zî nêeşkayî îradeyê Rayberîye bişiknê.  Ewro pêro kurdî fikranê Rayberîye ra hayîdar ê. Fikrê Rayber Apoyî resayî dinya. Nika wext wextê azadîya Rayber Apoyî yo. Gerîlayî do serra 2022î de bi na qerardarî têbigêrê.''

Gerîla Kemal Dêrazorî vat: ''Seba ke fikrê Rayber Apo vila nêbê komplogeran no komplo kerd. 15ê Sibate ma rê roja reş a. Ma tepiştişê Rayberîye qetî qebul nêkenê. Ma sey gerîlayanê azadîye do heta peynî şer bikerê û Rayber Apoyî azad bikerê. Dewleta tirke qetî nêeşkena îradeyê ma bişikna.''