Mabênê Colemêrg, Wan, Bedlîs û Agirî de, bendanê kontrolî yê qereqolanê cendirmeyan de 24 saeyan cigêrayîş û kontrolî yenê kerdene. Leşkerî wesayîtan vindarnenê, eşyayan vejenê teber, nasnameyê raywanan kontrol kenê.

Bendê kontrolî yê Depîn, Yenîkopru, Bebleşîn û Albayrakî  yê mabênê Colemêrg û Wanî, Bendê kontrolî yê Balabanî yê mabênê Wan û Bedlîsî, bendê kontrolî yê Buzlupinarî yê mabênê Beslîs û Sêrtî û xeylêk bendanê kontrolî yê mabênê Wan û Agirî de kerdişê polîs û leşkeran manenê kerdişanê serranê 90an.

Bendanê qezaya şaristanan ra ber, taxan û mabênê şaristanan de zî bendî ronîyayî. Hemwelatîyî vera bendan nêrazîbîyayîşê xo mojnenê.

Fatma Yilmaz ard ziwan ke bendê taxa Çelebîagayî ya Erdîşî vurîyayo îşkenceyî û vat: ''Taxe de çi karê bendê konrolî est o. Mi pê çimanê xo dî ke bendê kontrolî de xeylêk merdimî ameyî destbendkerdene. Nê merdimî xo ra tîya de manenê. Armancê nê bendan ecîzkerdişê merdiman o.''