Ame parekerdene ke teberê Iraqî ra 12 'fuzeyê balîstîkî' erzîyayî paytextê Herêma Kurdîstanê Federalî Hewlêr.

Çimeyanê Asayîşî da zaneyene ke hêriş roja yewşemeyî ame kerdene. Goreyê eşkerayîya nuştekîye ya Yewîya Têkoşînê vera Terorî bi 12 fuzeyanê balîstîkan vera taxêka Hewlêrî hêriş ameyo kerdene. Eşkerayîye de ame vatene ke hêriş vera Sersefîrîya Amerîka ameyo kerdene. Dîya zanayene ke hêriş de zerar nêresayo ganê çewî ser la zeraro madî qewimîyayo.

Serekwezîrê Herêma Kurdîstanî Mesrûr Barzanîyî vat: ''Ma nê hêrişî şermezar kenê û venga roniştoxan danê ke zerrîrehet bibê.''

Heta nika çewî mesuldarîya hêrişî nêgirewta xo ser. Balkêşo wextê nê hêrişî de Sûrîye de berpirsîyarê payeberzî yê Muxafizanê Şorişî kişîyayî. Hêrişê Sûrîye ra Îsraîl sey mesuldarî dîya. Muxafizanê Şorişî bi eşkerayîyêke gefê Îsraîlî werdbi û vatbi: ''Rejîmo sîyonîst do bedelê ney bido.''