Qeymeqamê qezaya Madenî ya Xarpêtî, Tesîsê Kampa Domanan ke Şaredarîya Bajarê Girdî ya Amedî seba domanan Gola Hazarî de awan kerdebî, bi bahaneya 3 serrî verî kemasîyê aye ameyê tespîtkerdene û nê kemasîyî nêameyê temamkerdene qerar da ke kampe bigêrê.
Qeymeqam bê ke prosesê qeyûmê Şaredarîya Amedî Cûmalî Atîllayî yo ke hetê wezîrê Karanê Zereyî ra amebi tayînkerdene bigêro nezerê îtîbarî, 3 serrî verî kerd bahane û qerarê girewtişî da. Dimayê qerarê qeymeqamî ra leşkerî şîyî kampe û kampa domanan mor kerde. Şaredarîya Bajarê Girdî ya Amedî derheqê qerarê qeymeqamîya Madenî de eşkerayîyêka nûştekîye weşanaye û ard ziwan ke derheqê na yewe de tu hayîdarî înan rê nêameya dayene.