Gerîlayanê HPGyî Serhed Giravî, Baz Mêrdîn û Cesûr Roboskîyî derheqê Newroze de ANFyî rê qisey kerd.

Serhed Giravî: Ma sey gerîlayan bi coşî Newroze pêşwazî kenê. Xoverdayîşê 2021î ma rê bibo rayîrêko raştikên û ma nê esasî ser o 2022 de xoverdayîşê xo rê dewam bikerê. Konseptê qirkerdişî yê dewleta tirke zanîyeno, ê zî goreyê ney xo ver danê. Ma do zî bi ruhê Newroze nê şerî ser bivisnê. Ma venga cinî û ciwanan danê ke verê xo bidê têkoşînê gerîlayan.

Baz Mêrdîn: Newroza emserîne Newroza 50. ya têgêrayîşê ma ya. Şîarê têgêrayîşê ma zî azadîya Rayber Apoyî û azadîya Kurdîstanî ya. Mîyanê 50 serran de şarê kurdî têkoşînêko pîl kerd, bedelê giranî dayî. Ma do serra 50. ya Newroza têgêrayîşî bikerê serra azadîya Rayberîye. Ma do ser bikewê. Nê esasî ser o ma Newroza şarê xo û Rayber Apoyî fîraz kenê.

Cesûr Roboskî: Ma do bi ruhê Newroze şer bikerê. Bi nê ruhî ma do faşîzmê AKP-MHPyî çin bikerê. Eke şarê ma tewrê gerîlayan bibo, ma do peynîya îşxalî bîyarê. Ma pê bawer ê ke şarê ma do bi xurtî tewrê Newroze bibo û mesajêkê xurtî bido dişmenî. Bi nê hawayî ma do Newroze bikerê Newroza azadîya Rayber Apoyî û şarê Kurdîstanî.